2Jo | GbrGAW | STEP |

2 John

1 Wasika ye gmi n Yohanna byeda, zakwoyi ikklisiya nya aba nu, kwoi lo nyikwoza ye-yeyi aba n Shekwoyi wa kni nyi, n wo aɓiyi n mi ye n mwa nyi shi azaje ye wo dna ekilisiya nyi. 2 Shi Gaiciya dnalo n yi mi nyalo-nyalo nyi. 3 Shekwoyi Dada n wo Nugunyi Yesu Kristi, ɓa tu yi anabarka n sun-sungye dnagmayi n bugba fuyi, n gaiciya yi n ye-yeyi.

Fye Zhin Peceiye Nna Byeda Akata Nya Yi

4 A damilo n mwa shi ma gye oho aɓiho n ya, ɓai zan-zan shi kwo kunce, ɓai vi gaiciya, ɓai vi Shekwoyi gbega. 5 Nsaiye mi cei pma lo ma ce fye ɓepa, emi, anugundo, wyidna kwokwoyi n Shekwoyi ɓei ga tunyi n kmisunyi nyi, nge kwo bmiya a Yesu-viyi ɓa ye n najei. 6 N yi ye Shekwoyi, ye ɓa zhin oɓo n wo ye ya zhin, wa ku gnayi tunyi nsapa nge yi ye najei.

7 Fye ka atukwoda akatai wye, n ɓa sheyi gun laɓa nyi, n ɓata ga gaiciya nge Kristi ɓei la ɓe anyi dna n nayi ngye eyi nya pyan. Aza deye pya gni apapa n gaiciya yi, n Kristi yi. 8 Fye zhin peceiye to fya ze ngye ɓan, fya bwi lada nuwan, n fyehin, nmihin zhin tnu-tnu n kalayi ya bwa nyin. Fye la fyehin yi fya bwa lada nu-nuyi n Dagayi aba. 9 Gama nfye to kpetu Kristi wuwun, fye la Shekwoyi fa nu n na avun. Ama n fya vi Kristi nyawu, fye ɓa bwa Shekwoyi. Fya bwa Dada n Nugun yi.

10 N za ɓe wa wu fye, to woi ga gaiciya n nya n Kristi ɓei wun, fye to yi wo ma wa ɓe fye puwan, fye to gawo bugba kala n zokwo dohodohoyin. 11 Nfya ye, fya ku ze aza nukwoyi nu ɓedo nwoi, dna n wo aɓe nukwoyi zhin-zhin.

12 To, mi n cei pmalo maye daɓo ɓe ama mito n cei pmalo ma dakwo fi n wasikayen, gama mi n bugbayi dnalo ma ɓe ma gye fye esa fyewyi, nsahi yi ɓei da aɓeye n gnisun, yi dagma.

13 Oho mapui, Shekwoyi oɓi knikniyi, owo aɓi ɓi ho gna lo.